कलम लिखै तौ यहै लिखै
जब कलम चलै तौ गुनियन कै अभिमान रहित सम्मान लिखै।
सिय राम लखन शत्रुहन भरत कै त्याग तपस्या आन लिखै।।
श्री कृष्ण जइस रथवान अउर पारथ सा रथी महान लिखै।
ध्वज मा बइठे हनुमान लिखै कुछ कर्णवीर कै दान लिखै।।
पोरुष पृथ्वी कै तेज लिखै शुभ शिवा केरि किरपान लिखै।
राणा लक्ष्मी झलकारी औ बलभद्र सिंह चौहान लिखै।।
जीजा दुर्गा औ कर्मा कै जौहर वाला उपमान लिखै।
मीरा तुलसी कबिरा रहीम रसलीन सूर रसखान लिखै।।
जौ कलम उठै तौ पन्ना के सुत चन्दन का बलिदान लिखै।
आजाद भगत बिस्मिल सुभाष ऊधम बाघा शैतान लिखै।।
ख्यातन मा जुटा किसान लिखै सीमा पर डटा जवान लिखै।
और “अजय” के शोणित से धरती पर नित प्रति हिन्दुस्थान लिखै।।
आचार्य डा.अजय दीक्षित “अजय”
डा. अजय दीक्षित जी द्वारा लिखे सभी लेख आप नीचे TAG में Dr. Ajay Dixit पर क्लिक करके पढ़ सकते है।
डा. अजय दीक्षित जी द्वारा लिखे अन्य गीत –
Related posts: